Euskara at BSU Research Conference

Apirilaren 20an, Idahoko Boise State Unibertsitatean euskara ikasten ari diren 5 ikaslek Undergraduate Research and Scholarship Konferentzian parte hartu dute.

Aurten Hizkuntz saileko ikasleek indar betean parte hartuko dute Konferentzian. Frantsesa, gaztelera, alemaniera, txinatarra eta japonieraz gain euskaraz ere arituko dira ikasleak.

Nere Lete irakasleak horrelakorik gertatzen den lehen aldia dela dio. “Azken 4 urte hotan Boise State Unibertsitatean egin den lanaren emaitza da. Ikasle hauek benetan ausartak dira eta euskara ikasteko duten irrika begi bistan da. Kody eta Jon euskarako lehen urteko ikasle dira.Jonen ama euskalduna da Natxituakoa, eta Jon berriz Nevadakoa. Kody ordea, hizkuntzak ikastea gustokoa duen ikasle amerikarra da. John Cortabitartek euskarako unibertsitatean eskaintzen ditugun oinarrizko hizkuntza klaseak amaitu ditu. Iaz Maizpiden bi asteko egonaldia egin zuen, eta orain euskal kulturari buruzko eskolako ikasle da. Chris Boisen jaioa da baina Euskal Herrian ikasi zuen euskaraz. Gaur egun etxean euskaraz hitz egiten du Euskal Herrikoa den emaztearekin (Nere Lete irakaslearekin) eta seme alabekin. Ostegunero bere epaile lanak eguerdian alde batetara utzi eta Euskal Kulturako klasera etortzen da unibertsitatera. Itxaso Boisen jaio bazen ere, Euskal Herrian hazia da eta orain hemen ari da bere ikasketak burutzen. Ikasle sorta honek ezin hobeago erakusten du diasporan bizi dugu anitztasuna.

Boise State Unibertsitateko mintegian eskolak ingelesez eta gazteleraz irakasten ditugu. Euskara eskolak irakasten ditugu ere bai. Aurten lehen aldiz Euskal kulturari buruzko klasea euskaraz irakatsi dugu. Aurrera goazenaren seinale.

Ez dut uste euskal mintegian lanean ari garen irakasleok saritzeko modu hobea dagoenik!

Klik egin hemen albiste osoa irakurtzeko.